Иран улс Украинд цохилт өгөхийн тулд ОХУ-д нисгэгчгүй онгоц нийлүүлсэн нь батлагдвал Европын холбоо /ЕХ/ Ираны эсрэг шинэ хориг арга хэмжээ авч магадгүй байна. Сүүлийн хэдэн долоо хоногт ОХУ Украин руу довтлохдоо Иранд үйлдвэрлэсэн “Шахед-136” нисгэгчгүй онгоцыг ашигласан гэж Украин мэдээлсэн. Иран улс ОХУ-д нисгэгчгүй онгоц нийлүүлсэн гэдгээ үгүйсгэж байгаа бол Кремль ямар нэгэн тайлбар хийгээгүй байна.

Даваа гарагт Украины нийслэл Киев хотын галт тэрэгний төв өртөөний ойролцоох барилгуудад нисгэгчгүй онгоц халдаж, нэг хүн амиа алдаж, гурван хүн шархаджээ. Европын холбоо даваа гарагт Ираны Засгийн газрын дарангуйлалд оролцсон Ираны 15 иргэний зорчих эрхийг хязгаарлаж, хөрөнгийг нь царцаахаар бэлтгэж байна.