Дэлхийн аз жаргалын өдөр (World Happiness Day)-ийг жил бүрийн гуравдугаар сарын 20-ны өдөр тэмдэглэн өнгөрүүлдэг. Энэ өдөр дэлхийн хэмжээнд аз жаргалын ач холбогдлыг ойлгуулах, хүмүүсийн амьдралын чанарыг сайжруулах зорилгоор олон төрлийн үйл ажиллагаа зохион байгуулдаг билээ.

Дэлхийн аз жаргалын өдрийг анх 2012 онд НҮБ-ын Ерөнхий Ассамблейгаас тунхагласан бөгөөд тухайн жилээс эхлэн жил бүр тэмдэглэсээр ирсэн юм.

2025 онд энэ өдөр дэлхий даяар уламжлалт арга хэмжээ, семинар, сэтгэл зүйн зөвлөгөө, амьдралын чанарыг сайжруулах зорилготой олон төрлийн үйл ажиллагаа явуулах төлөвтэй байгаа ажээ. Аз жаргалын индикатор, хүн амын сэтгэл ханамж, сайн сайхан амьдралыг бий болгох чиглэлээр олон улс орон хамтран ажилладаг.

Та энэ өдөр ямар нэгэн арга хэмжээнд оролцох, эсвэл өөрийн амьдралд аз жаргалтай байх талаар олон нийтийн санаа бодлыг хуваалцвал нэлээд сонирхолтой байх нь дамжиггүй юм.

Түүх сөхвөл, НҮБ-ын Ерөнхий Ассамблейн 2012 оны хуралдаанаар хүн гэдэг амьтан сайн сайханд тэмүүлж, аз жаргалтай байхыг чиг мөрөөдлөө болгодог бодгаль учраас "Аз жаргалын өдөр” гэсэн баярын өдөртэй байх нь зүйтэй гэсэн шийдвэр гарчээ.

Улмаар жил бүрийн гуравдугаар сарын 20-ны өдрийг "Дэлхийн аз жаргалын өдөр" болгон улс орнууд зохих хэмжээнд боловсрол ба гэгээрүүлэх хөтөлбөрийг ашиглан тэмдэглэж байх зөвлөмж өгсөн байна.

Энэ өдрийн сонгосон нь бас учиртай аж. Дэлхийн бараг ихэнх газар гуравдугаар сарын 20-нд өдөр шөнө тэнцдэг учир НҮБ энэ өдрийг жаргалтай байх адилхан эрхтэй, энэ гарагийн бүх хүмүүсийн тэгш эрхийн бэлгэдэл болох юм гэж тооцоолжээ.

Үндэстнээрээ аз жаргалын коэффициент нь хамгийн өндөр Бутаны Хаант улсын иргэд анх ийм өдөртэй болох санаачилга гаргажээ.

Ард иргэдийн аз жаргалтай эсэхийг судалдаг олон үзүүлэлт, хүчин зүйл байдгаас хамгийн түгээмэл нь “Аз жаргалын индекс”-ийн үзүүлэлт юм. Оршин суугчдын эрүүл мэнд, дундаж наслалтыг экологийн нөхцөлд харьцуулснаар тухайн улсын “аз жаргалын индекс” гардаг.

Мөн зарим улс орнуудад Аз жаргалын яамтай бөгөөд Венесуэл улс гэхэд Аз жаргалын яамдаа улсын төсвийн 67 хувийг суулгаж ард иргэдийнхээ оюун санаа, сэтгэл ханамжийг чухалчилдаг аж.

Монгол Улс өнгөрсөн жил Аз жаргалын индексээр 143 орноос 77 дугаарт эрэмбэлэгдэж байв.

Оршин суугчдын эрүүл мэнд, дундаж наслалтыг экологийн нөхцөлтэй харьцуулснаар тухайн улсын “Аз жаргалын индекс” гардаг. Аз жаргалыг тодорхойлсон нэгдсэн тодорхойлолт байдаггүй аж.

Сэтгэл ханамж, тайван байдал, эд баялаг, хувь хүний хувьд алдарших нь аз жаргалд хүрэх арга зам гэх байдлаар тайлбарлах гэсэн энгийн ойлголт түгээмэл элбэг.

Э.ЭГШИГЛЭН