Засгийн тэргүүн ээ, хятадууд ирэхээс өмнө боомтоо, автозамтайгаа яаравчил
Монголчуудын эдийн засагт үр өгөөжөө өгөх Цагаан дэл уулын боомтын тухай асуудал яригдсаар даруй 8 жилийг үдчихээд байгаа. Гэтэл саяхнаас энэ боомтын тухай ярьж, бүтээн байгуулалтын ажил бага боловч урагшлах янзтай болж байгаа талаар ярьцгааж байна.
Энэ боомт ажиллагаанд орсноор экспортыг нэмэгдүүлэх гол гарц хэмээж 2014 онд Хятад Монголын Засгийн газар хооронд харилцан тохиролцож ӨМӨЗО-ны 43 тэрбум төгрөгийн буцалтгүй тусламжаар бүтээн байгуулалтын ажлыг хийж гүйцэтгэхээр болсон байдаг. . 2014 оноос хойш яригдсан эл ажил Ерөнхий сайд Л.Оюун-Эрдэнийн үед зогссон гэж бултаараа ярьдаг. Тэгвэл өдгөө харин урагшлах өнгө аяс үзэгдэж эхэлсэн нь сайндаа ч биш Хятадын Засгийн газрын сайд нар удахгүй ирэх учраас тэрбээр ийнхүү хөдөлгөөнд орсон болж таараад байгаа юм.
Үнэндээ яригдсанаасаа хойш бараг 10 жил рүү дөхөж байгаа учраас хөршийнхөө сайд нарыг ирэхэд хэлэх үгтэй, хийсэн юмтай харагдах шаардлагатай. Тиймээс л тэрбээр Цагаан дэл уулын боомтыг дөнгөж 3 хоног туршилтаар нээчхээд “САЙН” гэх үнэлгээ өгчхөөд хөршүүдийнхээ өмнөөс харж суухаар шийдэв бололтой. Хятадууд хашир, бас туршлагатай, хэзээнээс ажилч хичээнгүй улс. Тиймээс манайхан ахархан ч гэсэн зам тавьж угтахгүй бол тун тоогүй.
Иймд Өмнөговийн Ханхонгор сумын “Тавантолгой-Барууннаран” чиглэлийн 32 км авто замын төгсгөлөөс “Цагаандэл уул” боомт хүртэлх 270 км замаа бариад эхэлбэл наанадаж ерөнхий сайдын нэр нүүрт, цаанадаж мөнхийн шороо тоосон дунд амьдарч буй малчид, хөдөөгийн иргэдэд маань ч тустай шүү дээ.
Товчхондоо бол Хятадын Засгийн газрын сайд нарыг ирэх сургаар биш Монгол Улсынхаа хөгжил цэцэглэлтийн төлөө чин сэтгэлээсээ, эртхэн шиг хөдөлсөн бол “Шинэ сэргэлтийн бодлого”-ынх нь нэгээхэн хэсэг болчихсон хэлэх үгтэй, хийсэн зүйлтэй байх байлаа. Юутай ч 3 хоног ч бай 30 цаг ч бай Цагаан дэл уулын боомтын ажлыг эхлүүлсэн дүр зураг харагдуулахаар хичээсэн бол ядаж 270 км замаа хурдлуул. Гэхдээ л хөршүүд маань итгэх болов уу. Бүтээн байгуулалт гэрээ хэлэлцээрийнхээ араас чих тавьж байсан хүмүүс шүү дээ.
Польш-Монголын бизнес форумд 180 гаруй аж ахуйн нэгж оролцлоо
УИХ-ын дарга асан З.Энхболдыг Тусгай үүрэгт Элчин сайдаар томилжээ
Ерөнхийлөгч У.Хүрэлсүх Москвад болох ялалтын баярт оролцоно
Д.Амарбаясгалан: УБТЗ-ыг цахилгаанжуулж, хос замтай болгон, дэлхийн хөгжлийн түвшинд хүргэх цаг үе ирснийг зах зээл шаардаж байна
Элчин сайд Н.Энхболд: Бусад орны элчингүүд “Манай улс Хятадын хажууд Монгол шиг байршилтай, асар их баялагтай байсан бол…” гэж ярьдаг
Дональд Трамп: Миний хийж чадах зүйл бол Оросыг санхүүгийн хувьд тун таагүй байдалд оруулж чадна
Зеленский: Украин улс 30 хоногийн хугацаанд гал зогсоох АНУ-ын саналыг хүлээн авч байна
Х.Нямбаатар: Надад нэг тэрбум төгрөг байхгүй
Оросын цэргийн хиймэл дагуул “Космос-2553” тойрог замын орбитоо гэнэт өөрчилсөн нь АНУ-ыг түгшээж байна
Владимир Зеленский: Бид үүнийг хийхэд бэлэн байна