Монгол Улс Вьетнам руу хонь, ямааны мах экспортлож, сайн чанарын цагаан будаа импортлоно
Худалдаа, эдийн засаг, шинжлэх ухаан, техникийн хамтын ажиллагааны Монгол, Вьетнамын Засгийн газар хоорондын комиссын 19 дүгээр хуралдаан 2024 оны арваннэгдүгээр сарын 19-нөөс 23-ны өдрүүдэд Бүгд Найрамдах Социалист Вьетнам Улсын нийслэл Ханой хотноо болов.
Засгийн газар хоорондын комиссын хуралдааныг Монгол Улсын Хүнс, хөдөө аж ахуй, хөнгөн үйлдвэрийн сайд, Монголын хэсгийн дарга Ж.Энхбаяр, Бүгд Найрамдах Социалист Вьетнам Улсын Хөдөө аж ахуй, хөдөөгийн хөгжлийн сайд, Вьетнамын хэсгийн дарга Ле Минь Хоан нар ахалж байгаа юм.
Хуралдааны үеэр Монгол, Вьетнамын худалдааны эргэлтийг нэмэгдүүлэх хүрээнд хоёр орны давуу тал бүхий бараа, бүтээгдэхүүнийг хоёр улсын зах зээлд харилцан нийлүүлэх чиглэлд хамтран ажиллахаар санал нэгдлээ. Тэр дундаа Монгол Улсаас Вьетнам Улсад хонь, ямааны мах экспортолж, Вьетнам Улсаас Монгол Улсад сайн чанарын цагаан будаа импортлохоор тохирчээ.
Б.ЖАРГАЛ
.jpg)
Сэтгэгдэл
Түүх юмдаа. Үүнийг хүмүүс санадаг болов уу? [103.57.95.70] 2024-11-26 02:00:51
1960-аад оны үед Вьетнам-Америкийн дайны үед хэдэн малчин хонь ямааны сүрэг хөлөөр нь Вьетнамруу хүнсэнд тууж явсан. Хятадын бүх нутгаар явсан. Бүх мал нь дулаан оронд дотроосоо өтөж ихэнх нь Вьетнам хүрэлгүй үхсэн гэсэн. Монгол малчид хонь ямаагаа хараад уйлж байсан гэсэн. Тэр үед одооны төмөр зам, хөргөгчтэй вагон, мал эмнэлэг байхгүй, малыг газраар тууж хүргэж байв.
Зочин [202.131.234.123] 2024-11-25 13:59:15
болиоч ээ мангуу маанаг сэтгэцийн цуглуулга болсон ИХ аа.
зочин [202.9.47.13] 2024-11-25 11:35:38
хурдан зарж борлуулмаар баина хана авах вэ
ЗОЧИН [202.126.89.206] 2024-11-25 10:31:54
ЯМААГАА АХИУХАН ЭКСПОРТЛООД ЯДАЖ ЦАГААН БУДААГАА БҮРЭН ХАНГАЧИХ ХЭРЭГТЭЙ МАЛЧИД ЯМААГАА ЗАРААД БАЙХ ХЭРЭГТЭЙ ТЭГЭХГҮЙ БОЛ ЗУД АВААД ЯВНА ШҮҮ...