XX-р зууны манлай дасгалжуулагч, Монгол улсын гавьяат дасгалжуулагч В.Батбаярын нэрэмжит сонирхогчдын боксын насанд хүрэгчдийн улсын аварга шалгаруулах тэмцээн Спортын төв ордонд үргэлжилж байна. 1956 оноос эхлэлтэй уг тэмцээнд 170 гаруй тамирчин оролцож байна. Энэхүү тэмцээнийг Дэлхийн боксын холбооноос баталсан шинэ жингийн ангиллаар зохион байгуулж буйгаараа онцлогтой. Энэ жилийн тухайд эрэгтэй 10, эмэгтэй долоонд жинд аваргууд тодрох юм. Улмаар УАШТ-д түрүүлсэн тамирчдаар шигшээ багийг бүрдүүлж, 2025 онд зохион байгуулах ААШТ, ДАШТ болон олон улсын тэмцээнд эх орноо төлөөлөн оролцох эрхтэй болно. Тэмцээний аваргууд энэ сарын 18-нд тодорно хэмээн Монголын Боксын Холбооноос мэдээллээ.

.