Дэлхийн анагаах ухааны салбарт хамгийн сүүлд 60 жилийн өмнө шинэ төрлийн антибиотик гаргаж авч байсан байна. Тэгвэл саяхан АНУ-ын Массачусеттс мужийн Эрүүл мэнд, шинжлэх ухааны институтийн эрдэмтэд хиймэл оюун ухаан ашиглаж цоо шинэ төрлийн антибиотик гарган авснаа танилцуулсан байна. Энэ шинэ төрлийн антибиотик нь эмэнд тэсвэртэй стафилококк ауриус гэх бактерийг дарангуйлах чадвартай гэж үзэж байгаа юм байна. Уг бактер нь хүнд халдварлахаараа идээт үрэвсэл, хатиг, хөвсгөр эдийн үрэвсэл зэрэг арьс салстын өвчлөл үүсгэдэг, дэлхий дээр энэ бактерийн улмаас жил бүр хэдэн мянган хүн амь насаа алддаг гэсэн тооцоо байдаг. Тэгвэл энэ шинэ антибиотикийн ачаар эдгээр өвчлөл, хүндрэлийг даван гарах боломж нээгдэж байна гэж Массачусеттс мужийн эрдэмтэд тайлбарлаж байна.