Газрын ховор элементийн "Халзан бүрэгтэй" төслийг хэрэгжүүлэгч “МНРИК” ХХК-ийн Удирдах зөвлөлийн шийдвэр дагуу тус компанийн Гүйцэтгэх захирлаар А.Цолмон томилогдож, албан үүргээ хүлээн авчээ.

А.Цолмон ШУТИС болон АНУ-ын Ютагийн их сургуулийг геологич мэргэжлээр төгссөн. Уул уурхай, эрдэс баялаг, хүнд үйлдвэрийн салбарт 17 жил ажиллаж байгаа аж.

Ажлын туршлага

• Энержи Ресурс ХХК – Ахлах геологич, менежер
• Дархан Төмөрлөгийн Үйлдвэр – Геологи, уурхай хариуцсан төслийн менежер
• МНРИК ХХК – Геологи, уурхай хариуцсан дарга
• Халзан бүрэгтэй хөгжлийн сан – Гүйцэтгэх захирал
• Дэлхийн Банк, Вашингтон ДС – Уул уурхайн ахлах мэргэжилтнээр тус тус ажилласан.

Карьерынхаа хугацаанд:

• Томоохон ордуудыг эдийн засгийн эргэлтэд оруулж, олон улсын хөрөнгө оруулалт татахад нөөцийн тооцооллыг баталгаажуулах,
• Засгийн газруудад стратегийн зөвлөмж өгч, салбарын засаглалыг бэхжүүлэх,
• Зүүн Африк, Баруун Балкан, Монгол, Төв Азийн орнуудад эрдэс баялагт суурилсан хөгжлийн бодлого боловсруулах,
• Критикал минералаар дамжуулан нүүрснээс алгуур шилжих хөтөлбөрүүд болон эрдэс баялгийн салбарын нийтийн бодлого боловсруулах чиглэлээр мэргэшжээ.

Б.ЖАРГАЛ