Иргэн Tserennadmid Darjaa Хотын дарга Х.Нямбаатарын “Дүүжин тээвэр” төслийн нээлтэд оролцож буй зурагт “Та нар НЕФТИЙН үйлдвэр, 5р цахилгаан станц,Тэрбум мод гээд ингээд газар цай булаад байсан Тэд чинь хаа байна. Одоо хэн ч үнэмшихгүй…” гэх зэргээр бичжээ. Үнэхээр Монгол улсад тулгамдаад буй ямар нэг асуудлыг шийдвэрлэхээр ямар нэг сүржин гоё нэртэй төсөл хөтөлбөр зарлагдаж нээлтэд нь улс төрчид оролцон хадаг, цай болцгоодог. Гэтэл хугацаа өнгөрч, хэтэрсэн ч асуудал бахь байдгаараа л. Хариуцлага, тайлан мэдээ ч сураг алдардаг. Төсвийн хулгай юу? төрийн яамдын ажлын чанар уу? улс төржилтийн нөлөө юу? тогтоох ч аргагүй. Улаанбаатар хотод бугшсан асуудлыг шийдвэрлэхэд ид шидтэн л хэрэгтэй гэх агуулга хүртэл ярих эрх баригчдын цалгар назгай байдал гоё нэртэй төсөл зарлахдаа гаргуун ч хэрэгжүүлэхдээ таг гацдаг байдлыг үргэлжлүүлсээр байх уу?