АНУ-ын Ерөнхийлөгч Трамп ОХУ-ын Ерөнхийлөгч Путинтэй утсаар ярилцсанаа албан ёсоор мэдэгдлээ. Трамп хэлэхдээ, 'Сая би ОХУ-ын Ерөнхийлөгч Владимир Путинтэй удаан, маш үр дүнтэй утсаар ярилцлаа. Бид Украин, Ойрхи Дорнод, Эрчим хүч, хиймэл оюун ухаан, долларын хүч болон бусад олон сэдвээр ярилцсан.

Манай хоёр улсын ард түмэн Дэлхийн 2-р дайны үед хамтдаа амжилттай тулалдаж байсан түүхтэй бөгөөд ОХУ хэдэн арван сая хүнээ дайнд алдсан, бид ч мөн адил олон цэргүүдээ алдсаныг бид мартаагүй.

Бид АНУ, ОХУ-ын давуу талуудын талаар ярилцаж, хамтран ажиллах боломжуудын талаар санал солилцлоо. Бид хоёр улсын хоорон дахь ойр дотно хамтын ажиллагаагаа үргэлжлүүлж, тус тусын улсад хийх айлчлалын талаар ч ярилцлаа. Иймээс дайныг зогсоох зөвшилцлийн ажлын хэсгийн уулзалтыг нэн даруй эхлүүлж, мөн энэхүү үйл ажиллагааны талаарх мэдээллийг Украйны Ерөнхийлөгч Зеленскийд өгөх болно.

Би Төрийн нарийн бичгийн дарга Марко Рубио, Тагнуулын төв газрын дарга Жон Рэтклифф, Үндэсний аюулгүй байдлын зөвлөх Майкл Уолц, Элчин сайд бөгөөд тусгай элч Стив Виткофф нарыг хэлэлцээрийг удирдан явуулахыг хүссэн бөгөөд энэхүү зөвшилцөл амжилтанд хүнд гэдэгт гүнээ итгэж байна.

Хэрвээ би Ерөнхийлөгч байсан бол олон гэм зэмгүй иргэдийн амь насыг авч одсон дайн болохгүй байх байсан, гэхдээ дайн болсон, харин одоо дуусах ёстой. Дахин нэг хүний ч амь үрэгдэх ёсгүй. Би Ерөнхийлөгч Путинд цаг зав, хүчин чармайлт гаргаж ярилцсанд талархаж байна.

Мөн өчигдөр орой Цагаан ордонд биечлэн угтаж авсан Марк Фогелийг ОХУ сулласанд талархаж байгаагаа дахин илэрхийлье. Бидний хамтын хүчин чармайлт амжилттай үр дүнд хүрнэ гэдэгт би итгэж байна' хэмээн АНУ-ын Ерөнхийлөгч Дональд Трамп мэдэгдсэн байна.