Монгол Улсын Соёлын тэргүүний ажилтан, жүжигчин Б.Амарсайханыг Зөрчлийн хуулийн дагуу 300 мянган төгрөгөөр торгожээ.

Түүнийг “Halloween-ы баяраар “Хаалга нүдлээ” хэмээн бага насны гурван хүүхдэд гар хүрсэн хэргээр шалгасан. Тухайн үед цагдаагийн байгуулагаас “Б.Амарсайхан 13-15 насны гурван хүүхэд зодсон гэх нөхцөл байдал тогтоогдоод байна” хэмээн мэдээлж байв.

Цагдаагийн ерөнхий газрын Хэвлэл мэдээллийн төвөөс мэдээлснээр, жүжигчин Б.Амарсайханыг Зөрчлийн хуулийн дагуу 300 нэгжээр торгож шийдвэрлэжээ. Тодруулбал, түүнийг бага насны хүүхдүүдэд гар хүрсэн хэмээн үзэж, 300 мянган төгрөгөөр торгосон байна.

Б.ЖАРГАЛ