Энэ онд нийслэлийн суурьшлын бүсэд идэш тэжээл хайсан, гэмтэж бэртсэн болон бусад байдлаар орж ирсэн зэрлэг амьтдын 97 удаагийн дуудлага иржээ. Үүнд: Хөхтөн амьтан 30, Хэвлээр явагч 52, Шувуу 26 гэмтжээ.

Нийт 22 зүйлийн 108 бодгаль зэрлэг амьтанд шаардлагатай арга хэмжээг авч, аварчээ.

Тухайлбал, Хөхтөн амьтан 30, Хэвлээр явагч 52, 26 Шувуу гэмтсэн байжээ.

Халиун буга, бор гөрөөс, нүүдлийн шувууд нь илүүтэйгээр гэмтэж, эндэх тохиолдол их байгаа тул анхаарал болгоомжтой байхыг Нийслэлийн Байгаль орчны газраас уриалж байна.

Хот орчимд гэмтэж бэртсэн зэрлэг амьтантай таарсан тохиолдолд НБОГ-ын 7272-0303, 11-310505 дугаарын утсаар мэдээлэх боломжтой.

Мөн Могой нь дулаан, хуурай орчин хайж, таны мэдэлгүйгээр тээврийн хэрэгслийн дугуй, доод эд анги, дулаан бүхий хэсгүүдэд орох магадлалтай тул сайтар шалгаж, болгоомжтой байхыг анхааруулж байна.