БНСУ-ын Ерөнхийлөгч Юн Сок Ёольд итгэл үзүүлэх эсэх асуудлаар /импичмент/ санал хураалт явуулах хуулийн төслийг сөрөг хүчний зургаан намаас парламентад өргөн барилаа. Үүнд Ардчилсан нам болон Солонгосыг сэргээн босгох нам, Шинэчлэлийн намууд багтаж байна. Импичментийн хуулийн төслийг дэмжиж сөрөг хүчний 190 хууль тогтоогч, нэг бие даагч гарын үсэг зурсан бол эрх баригч "Ардын түмний хүч" намын хууль тогтоогчид одоогоор дэмжээгүй байна.

Сөрөг хүчнийхэн уг төслийг пүрэв гарагт Үндэсний ассамблейн нэгдсэн хуралдаанд танилцуулж, баасан, бямба гарагт санал хураалт явуулахаар төлөвлөж байна. Хуулиараа огцруулах асуудлыг чуулганы нэгдсэн хуралдаанд танилцуулснаас хойш 24-72 цагийн дотор санал хураах ёстой юм.

Импичментийн төсөлд парламентын гишүүдийн гуравны хоёрын санал шаардлагатай. Уг хуулийн төслийг батлахын тулд Үндэсний ассамблейн 300 гишүүнээс сөрөг хүчин эрх баригч Ардын түмний хүчний намаас найман санал авах шаардлагатай аж.