Австрали улс Оросын иргэд, байгууллагуудын эсрэг авсан хориг арга хэмжээнийхээ шинэ багцыг танилцуулав. Тус улсын Гадаад хэргийн сайд Пенни Вонг холбогдох мэдэгдлийг хийсэн байна.

Вонг “Австралийн Засгийн газар Оросын 70 иргэний эсрэг хориг арга хэмжээ авч, мөн 79 аж ахуйн нэгжид санхүүгийн хязгаарлалт тавьсан" гэж хэлжээ. Түүний мэдээлснээр, шинэ хориг арга хэмжээний багц нь 2022 оны хоёрдугаар сараас хойш Австралиас тавьсан хамгийн чухал хориг арга хэмжээ болж байгаа аж.

Түүнчлэн сайд "Австралийн эрх баригчид Орос, БНАСАУ-ын цэргийн хамтын ажиллагааг гүнзгийрүүлэхэд оролцож буй аж ахуйн нэгж, иргэдтэй холбоотой нэмэлт хязгаарлалтуудыг хийсэн" гэж тэмдэглэжээ.

Тэрбээр "Үүнээс гадна ОХУ-ын батлан ​​хамгаалах, тээвэр, санхүүгийн салбарын байгууллагууд, Украин болон түүний засгийн газрын нэр хүндийг гутаасан ташаа мэдээлэл тараасан иргэдийн эсрэг хориг арга хэмжээ авсан.

Хориг арга хэмжээний зэрэгцээ нисгэгчгүй нисэх төхөөрөмж, тэдгээрийн эд ангиуд болон UAV технологитой холбоотой аливаа үйлчилгээг Орост нийлүүлэхийг хориглосон” гэж нэмж хэлсэн байна.

Эх сурвалж: TASS
Б.ЖАРГАЛ