Засгийн газрын өчигдрийн ээлжит хуралдаанаар 2012 оны дөрөвдүгээр сарын 11-ний өдрөөс хойш төрсөн Монгол Улсын иргэдэд "Эрдэнэс Тавантолгой" ХК-ийн 1072 хувьцааг шинээр эзэмшүүлэх шийдвэрийг гаргалаа. Ингэснээр Монгол Улсын 3.4 сая иргэн "Эрдэнэс Тавантолгой" ХК-ийн шууд хувьцаа эзэмшигч болсон.

Мөн "Эрдэнэс Тавантолгой" ХК-иас иргэдэд ногдол ашиг болгон хуваарилж, 104,000-ыг иргэдийн дансанд шилжүүлж эхэлсэн.

Тэгвэл 351 тэрбум орчим төгрөгийг иргэдэд ногдол ашиг болгон хуваарилж, нэг хувьцааг 108.7 төгрөгөөр тооцон 104,000 төгрөгийг иргэдийн дансанд шилжүүлж эхэлсэн болохыг тус компаниас мэдээллээ.

Тэтгэврийн, халамжийн, НӨАТ-ын буцаан олголтын, хүүхдийн мөнгө авдаг зэрэг төрд байгаа мэдээллийг ашиглан тухайн иргэний дансанд ногдол ашгийн мөнгийг шилжүүлж байгаа аж.