2025 оны 2-р сарын 28 нд цагаан ордонд АНУ-ын Ерөнхийлөгч Дональд Трамп болон Украины Ерөнхийлөгч Володимир Зеленский нарын уулзалт ширүүн маргаанаар өндөрлөж. Цагаан ордны уулзалтыг Зеленский орхин гарчээ. Түүнчлэн төрийн айлчлал хяналтаас гарсан тухай дэлхийн томоохон хэвлэлүүд бичиж байна. Орос-Украины дайн гурав дахь жилдээ үргэлжилж буй энэ үед талууд гарц хайж байсан ч уулзалт ширүүн маргаанаар дуусч, хамтарсан хэвлэлийн бага хурал цуцлагдаж, төлөвлөсөн хамтын ажиллагааны гэрээнүүд гарын үсэг зурагдалгүй үлджээ. Уулзалтыг товч хүргэвэл: Уулзалт товлосон цагаасаа хоцорч эхэлсэн.
Трамп Украиныг АНУ-аас авсан тусламжийнх нь төлөө “талархах ёстой”, дэлхийн 3-р дайнаар боцоо тавьж байна гэжээ.
Зеленский ОХУ-д олзлогдон хоригдож буй цэргүүдийнхээ зураг, мэдээллийг үзүүлсэн боловч Трамп үл тоож байгаад дургүйцлээ илэрхийлжээ. Харин АНУ-ын дэд ерөнхийлөгч Ж.Д Вэнс Зеленскийг нэгдсэн улсыг хүндлэхгүй байна гэж хэлжээ. Эцэст нь Трамп Зеленскийг уулзалтаас гаргасан бөгөөд хоёр орны хэлэлцээрүүд бүгд цуцлагджээ. Трамп өөрийн Truth Social хуудсаар дамжуулан: “Тэр зөвшилцөхөд бэлэн болсны дараа эргэж ирж болно” хэмээн мэдэгджээ. Харин Зеленский уулзалтын дараа: Конгресс болон Америкийн ард түмэнд баярлалаа.Украинд шударга, урт удаан энх тайван хэрэгтэй, бид яг үүний төлөө ажиллаж байна” гэжээ.Түүнчлэн төрийн тэргүүнүүдийн уулзалтаар АНУ-ын зүгээс Украинд өгсөн цэргийн тусламжийн оронд байгалийн баялгийг нь ашиглах саналыг Трамп “маш шударга” гэж тодорхойлсон ч Зеленский эцсийн байдлаар зөвшөөрөл өгөлгүй гарчээ.
Орчуулга: Б.Болор-Эрдэнэ