Өнөөдөр МУ-д шударга зүйл гэж үгүй боллоо. Ялангуяа МҮОНРТ дээр бий болсон байна. Яагаад МҮОНРТ гэж байгаа юм бэ энэ бол төрөөс төсвийн санхүүжилт авдаг жилдээ 6.5 тэрбум төгрөгийг МУ-ын иргэдийг соён гэгээрүүлэх мэдээ бэлтгэж, мэдээллийг иргэдэд тэнцвэртэй бодит хүргэх зорилготой төрийн байгууллага. Харамсалтай нь сүүлийн 2 жилийн хугацаанд МАН-аас томилогдсон хэт нэг талыг баримталсан мэдээллийг иргэдэд түгээх боллоо. Өнөөдөр МУ-д 920000 өрх МҮОНРТ-д сар болгон 1100 төгрөгний татвар төлж энэ татварыг шууд цахилгаан дээрээс нь суутгаж авдаг. Ингээд сар нийт Тэрбум орчим төгрөгийг иргэдээс МҮОНРТ татвар хэлбэрээр авч байгаа. Уг байгууллага МУ-ын иргэдийг соён гэгээрүүлэх, бодит мэдээллийг тэнцвэртэй хүргэж чадаж байна уу, төлбөртөө таарсан хэмжээний мэдээллийг түгээж чадаж байна уу гэдэгт эргэлзэж байна, хэт нэг намыг баримталсан, хэт ашгийн, мөнгөний төлөө, хэт зар сурталчилгааны үйл ажиллагаа явуулж байгаа тул бид энэхүү шаардлагыг хүргүүлж байна. Жилдээ 6.5 тэрбум төгрөгийг улсын төсвөөс дээр нь сар бүр 9200000 өрхөөс 1100 төгрөг авч байгаа. Бид нар мэдэж байгаагаар жилдээ 18.5 тэрбум төгрөгийг МҮОНРТ авч байна. Дээрээс нь зар ёурталчилгаа гэх мэтээр хэт мөнгөний, хэт намын эрх ашгийн байгууллага болсон байна. Хувийн хэвшлийн телевизүүд та бүхэн харж байгаа байх. Бодит нөхцөл байдал ийм байна. Ийм учраас бид МҮОНРТ-д шударга, бодитой мэдээллийг нийгэмд хүргээч ээ, иргэдийг зөв мэдээллээр хангаж соён гэгээрүүлэх бодитой мэдээллийг нийтэд түгээгээч, битгий МАН-ын улс төрчдийг хамгаалсан үйлдлийг гаргаач ээ гэсэн шаардлагыг хүргүүлж байна.

АН-ын ээлжит бус Их хурал болсон үүн дээр МҮОНРТ ирээгүй үүн дээр та нарын зүгээс шаардлага тавьсан уу?

Үндэсний хэмжээний 2200000 гишүүд, дэмжигчидтэй нам. 21 аймаг, 9 дүүргийг хамарч үндэсний хэмжээнд намын дүрмийн хүрээнд Их хурлаа хийсэн. Бүх телевизүүдэд мэдээллийг хүргүүлж, урилга явуулсан. Бүх ьелевиз мэдээллийг тэнцвэртэйгээр хүргэсэн. Харамсалтай нь МҮОНРТ АН-ын 220000 гишүүүнээс, нийт иргэдээс татвар авсан атал нэг ширхэг ч мэдээллийг хүргээгүй. Эсэргээрээ муулах, үгүйсгэх, гутаан доржлох мэдээллүүдийг удаа дараа гаргаж байгаа. Энэ өөрөө тэнцьэртэй мэдээллийг хангахгүй байгаа юм.

Удаа дарааллан тэмцлээ илэрхийлнэ гэж байгаа, цаашид ямар тэмцэл хийх вэ?

МАН-аас томилогдсон нөхдүүд удирдлага нь байгаа. Өөрөөр хэлбэл эд бол хулгайч нар. Иргэдээс ирсэн татварийн мөнгийг авч байгаа хулгайчид. Үүнийг хуулиндаа өөрчлөлт оруулах шаардлагатай. МҮОНРТ хангалттай хэмжээний контентуудыг хүргэж байна уу, бодитой мэдээллийг түгээж байна уу, 1100 төгрөгийг шууд яагаад суутгаж авч байгаа юм, ингэж чадахгүй бол хувийн хэвшилтэй адил зах зээлийнх нь зарчмаар өрсөлдөх хэрэгтэй. Яагаад татвар төлөгчдийн мөнгийг авчхаад ийм байдалтай байгаа юм. Иргэдийн татвараас жил бүр 6.5 тэрбум төгрөг авч байна. Тэгэхээр удирдлагын багт нь өөрчлөлт хийх хэрэгтэй. Захирал А.Бүрэнбаатар нь гарч ирж энэ олон хүмүүсийн тавьж байгаа шаардлагыг хүлээж авах хэрэгтэй. Өөрөө гарч ирэхгүй, өрөөндөө нуугдаад суугаад байж болохгүй. Гарч ирээд учир шалтгаанаа тайлбарлах хэрэгтэй. Өнөөдөр 21 аймаг дээр тв9, Монгол HD телевизүүдийг л үзэж байна. Тэдний контентууд иргэдэд таалагдаж байна. МҮОНРТ тэгэхэд ямар тийм контент гаргаж байна, хүнд хүрэхээр ямар зүйлийг хийж байна. Тэгэхээр бид үүн дээр дүгнэлтүүдийг хийх хэрэгтэй.

Иргэдэд хандаж юу хэлмээр байна?

Төрөөс МҮОНРТ-д өгч байгаа татварт хяналт тавья аа, биднээс сар бүр авч байгаа мөнгийг төлөхгүй байя аа, дарга нар нь хэдэн төгрөгийг юунд зарцуулаад байгаа талаар хяналт, шалгалт хийх хэрэгтэй.