Нийслэлийн Засаг даргын Тамгын газрын "А" танхимд НИТХ-ын Тэргүүлэгчдийн хуралдаан үргэлжилж байна. Энэ удаагийн хуралдаанаар хотын авто замын хөдөлгөөний А, B, C гэсэн гурван бүсчлэлд хуваах эсэх ажлыг хэлэлцэж байна. Энэ үеэр Замын хөдөлгөөний аюулгүй байдлын ассоциацийн тэргүүн, хурандаа С.Энхтөр хэвлэлийнхэнд Тээврийн цагдаагийн албанаас хэт өндөр торгуультай, торгуулиа удаан хугацаанд төлөөгүй жолооч нарыг торгуулийг нь төлүүлэхийн тулд шүүхэд хандах хүртэл арга хэмжээ авч ажиллах талаар ярилцаж байгаа хэмээлээ.

Мөн тэрбээр “Иргэд зогсоол хайж явдаг, зогсоол олддоггүй түгжирдэг, 15-20 минут зогсоол хайж 0-15 км цагийн хурдтай явдаг. Энэ нь түгжрэл үүсгээд байгаа юм. Тэгэхээр төлбөртэй зогсоолыг ихээр шийдээд өгчихнө. Зогсоолын төлбөр нь одоо байгаагаараа гэсэн үг. Тэгэхээр өдөржин зах худалдааны төвүүдийн гадна өдөржин зогсдог машинууд байхгүй болно. Яагаад гэхээр цагаар төлбөрийг нь тооцож авдаг болчихно гэсэн үг. Тэгэхээр жолооч нар өдөрт зогсооолд тийм их мөнгө өгөхгүйн тулд өөр сонголтууд хийж эхэлнэ. Тэгэхээр бид нийтийн тээрийг дэмжээд өгчихөж байна.

Бүсчлэлийн А хэсэгт технизийн үзлэгт ороогүй, татвараа төлөөгүй машинуудыг л оруулахгүй гэж байгаагаас биш хүнийг тухайн хүмүүсийн ажил эрхлэлт, зан байдал, таны асууж байгаа шиг дарга нарын машин төвөөр явуулах гэж байгаа асуудал байхгүй. Хэн ч байсан зөрчилтэй л байвал тэр бүсчлэлд явахгүй. Зөрчилгүй байвал ямар ч асуудалгүй явж болно гэсэн үг. Энэ бүсчлэлийн асуудлыг наймдугаар сардаа багтааж хэрэгжүүлэхгүй бол болохгүй. Манайхан бүсчлэл гэхээр шинэ зүйл гэж ойлгож байна. Тийм зүйл биш. Жолооч нарт ямар ч хүндрэлгүй, хуулийн хүрээнд байх үүргээ л биелүүлсэн байхад болно. Харин эмнэлэг, цагдаа, онцгой болон хэвлэлийнхний машиныг саадгүй зорчуулна. Нийт 63 мянган жолооч 10-аас дээш зөрчил гаргаж торгуулсан бүртгэл байна. Жолооч нар торгуулиа төлөх ёстой. Тэр торгууль улсын төсөвт орох ёстой.” Гэв.