News Decoder-ийн дэлхийн мэдээг орчуулан хүргэж байна. Сэтгүүл зүйг устгаж чадах эсэхийг AI программаас нарийн хариулт авч болох талаар News Decoder -ийн нэгэн сэтгүүлч сонирхжээ. AI-ийн алдартай программ болох ChatGPT-ээс “Сэтгүүл зүй хиймэл оюун ухааныг даван туулж чадах уу” гэж асуужээ. Учир нь Брукингсийн хүрээлэнгээс гаргасан тайлантай холбоотой ажээ. Хайлт, зар сурталчилгаа, өгөгдөл гэх мэт зүйлсийн ноёрхол нь сэтгүүл зүйн салбарыг "хөгжүүлсэн" гэж Вашингтон ДС-ийн судалгааны төв “Брукингс” дүгнэжээ.

Асуултын хариуд ChatGPT: Хиймэл оюун ухаан нь мэдээ цуглуулах үйл явцын тодорхой хэсгийг автоматжуулж чаддаг ч эрэн сурвалжлах сэтгүүл зүйг хөдөлгөдөг бүтээлч байдал, зөн совинг давтаж чадахгүй. Авлига, шударга бус байдлыг илчлэх, гадуурхагдсан нийгэмд дуу хоолойгоо хүргэх нь сурвалжлагчдаас түүхийг гүн гүнзгий судалж, эх сурвалжтай холбогдож, далд нуугдаж буй үнэнийг илрүүлэхийг шаарддаг. Энэ нь "AI сэтгүүл зүйг нөхөж чадах ч түүнийг орлож чадахгүй" гэж дүгнэжээ. Тиймээс хиймэл оюун ухаан хүртэл сэтгүүл зүйг орлож чадахгүй гэдгийг хүлээн зөвшөөрчээ. Учир нь бодит байдалд хиймэл оюун ухаан нь сэтгүүл зүйг орлуулахгүйгээр устгаж, хүмүүсийг найдах мэдээлэлгүй болгож болзошгүй юм. Найдвартай мэдээллийн эх сурвалж байхгүй бол цуурхал тарж, хүмүүс ташаа мэдээллээс үүдэлтэй айдаст автаж үймээн самуун гарах эрсдэлтэй.

Брукингсийн тайланд өнгөрсөн онд АНУ-д долоо хоног бүр дунджаар 2.5 сонин хаагдаж байгааг тогтоожээ. Судлаач Эми Уотсоны 2023 оны наймдугаар сард цуглуулсан мэдээллээс харахад “Их Британид 2022 оныг дуустал 10 жилийн хугацаанд жил бүр нээгдсэнээс илүү олон мэдээллийн хэрэгсэл хаагддаг байна”.

ChatGPT хариулахдаа: Сэтгүүлчид хиймэл оюун ухааныг аюул заналхийлэл гэж үзэхийн оронд технологийг ашиглан ажлаа сайжруулах боломжтой. Автоматжуулсан хэрэгслүүд нь өгөгдөлд дүн шинжилгээ хийх, баримт шалгах, контент түгээх зэрэг ажлыг гүйцэтгэхэд тусалж, сурвалжлагчдад илүү төвөгтэй, үр дүнтэй түүх ярихад анхаарлаа төвлөрүүлэх цагийг чөлөөлөх боломжтой гэж хариулжээ. Эдгээр ажлыг автоматжуулсны дараа сэтгүүлч илүү бодитой мэдээллүүдийг хөөцөлдөх боломжтой гэж үзжээ.

Хэвлэл мэдээллийн корпорациудын ёс суртахуун

Хэвлэл мэдээллийн корпорациуд зөвхөн мөнгөөр удирддаг уу гэх асуултад ChatGPT харилахдаа “Хэдийгээр санхүүгийн асуудал хэвлэл мэдээллийн корпорациудын үйл ажиллагаанд нөлөөлдөг ч шийдвэр гаргах цорын ганц хөдөлгөгч хүч биш юм. Санхүүгийн зорилго, нийгмийн хариуцлага, хувь хүний үнэт зүйлсийн цогц харилцан үйлчлэл нь эдгээр аж ахуйн нэгжийн зан төлвийг бүрдүүлдэг. Энэхүү олон талт мөн чанарыг ойлгох нь орчин үеийн нийгэм дэх хэвлэл мэдээллийн корпорациудын үүрэг, нөлөөг үнэн зөв үнэлэхэд нэн чухал” гэсэн хариулт өгчээ.

Мэдээж ChatGPT бол туйлын үнэн хариултыг өгдөг гэсэн дүгнэлт хийхэд тохиромжгүй. Тиймээс та бүхэн аливаа мэдээлэлд өөрийн дүгнэлтийг хийхдээ олон талаас нь харж үзэж байхыг зөвлөж байна.

Эх сурвалж: “Зууны мэдээ” сонин