Украины Ерөнхийлөгч Владимир Зеленский Оросын эсрэг олон улсын цэргийн “Рамштайн формат” байгууллагын Зохицуулах бүлэг хуралдаж, Украинд 2 тэрбум ам.долларын нэмэлт цэргийн тусламжийн багц олгохоор болсон талаар мэдэгдэв.

Украины "Новости Live" хэвлэл тэрбээр "Үр дүнтэй сайхан уулзалт болж, Украинд 2 тэрбум ам.долларын нэмэлт тусламж үзүүлэхээр боллоо" гэж хэлснийг уламжилсан байна.

Зеленский арга хэмжээний үеэр батлагдсан, 2025 онд хэрэгжүүлэх Киевийг дэмжих стратегийн ач холбогдлыг онцлон тэмдэглэжээ.

ОХУ-ын Ерөнхийлөгч Владимир Путин “Украины эрх баригчид барууны түншүүддээ цэргийн шинэ тусламж шилжүүлэхийг байнга уриалж, тэднийг асуудалд хойрго хандаж, нийлүүлэлт хангалтгүй байна гэж үе үе шүүмжилдэг.

Тиймээс ч Киев Украины зэвсэгт хүчний бүтэлгүйтлийн хариуцлагыг холбоотнууддаа тохохыг оролдож байна.

Киевт шинэ зэвсэг нийлүүлэх нь дайны талбар дахь байдлыг өөрчлөхгүй, харин ч мөргөлдөөн сунжрахад хүргэнэ” гэж удаа дараа онцолжээ.

Эх сурвалж: TASS
Б.ЖАРГАЛ