Дональд Трамп Дээд шүүхэд хандан АНУ-д TikTok сүлжээг хориглох боломжийг хойшлуулахыг хүслээ. Энэ тохиолдолд ByteDance компанийн эзэд TikTok сүлжээгээ Америкийн компанид худалдах шаардлага хойшилно. Дээд шүүх 2025 оны нэгдүгээр сарын 10-нд ByteDancе компанийн асуудлыг авч хэлэлцэх ёстой. Компани хэрвээ нийгмийн сүлжээг америкчуудад худалдахгүй бол Дональд Трампыг албан ёсоор хүлээн авахаас өмнө TikTok сүлжээг АНУ-д хэрэглэхийг хориглоно.

Эргэн сануулахад, АНУ-ын өнөөгийн Ерөнхийлөгч Жо Байден TikTok-ыг хаах тухай хуулинд гарын үсгээ зурсан юм. Хуулиар, ByteDance өөрийн TikTok сүлжээгээ 2025 оны нэгдүгээр сарын 19 гэхэд америкчуудад худалдсан байх ёстой аж.

АНУ-д 170 сая хэрэглэгчтэй компанийн асуудалд гарц олохын тулд Трамп шүүхэд хандан хоригийг хэрэгжүүлэхээ хойшлуулахыг хүсжээ.